"‘ምፍታሕን ንኽዳኑ ብዓመጽ ዚኸድኖን (ሰብ) እጸልእ ኣለኹ። ስለ’ዚ ኸይትጠልሙ መንፈስኩም ሓልዉ’ ይብል እግዚኣብሄር ጐይታ ሰራዊት።" ሚል2፡16 (ዮሃ2፡1,2)
"ለይቲ ሓሊፋ፡ መዓልቲ ቐሪባ’ያ’ሞ፡ ግብሪ ጸልማት ካባና ደርቢናስ፡ ኣጽዋር ብርሃን ንልበስ። ከም ብመዓልቲ ብቕንዕና ንመላለስ፡ ብጓይላን መስተን ኣይኰነን፡ ብምንዝርናን ዕብዳንን ኣይኰነን፡ ብባእስን ቅንኣትን ኣይኰነን።" ሮሜ13፡12,13
"እንሆ’ዚ ዕለት’ዚ ዘመነ ስብከትን ራብዓይ ሰንበት ናይ ዘመነ ነብያትን’ዩ። "ዘመነ ስብከት" ኣብ ውሽጢ ዘመነ ነብያት ስለ ዚርከብ፡ ናይ ዘመነ ነብያት ንኡስ ዘመን ከም ዝዀነ ኺመስለና ኣይግባእን። ርእሱ ዝኸኣለ ዘመን’ዩ። ናይ’ዚ ዓመት’ዚ ዘመነ ስብከት ካብ ታሕሳስ 12 ኽሳዕ ታሕሳስ 13 ዀይኑ፡ ናይ 2 መዓልታት ዘመን’ዩ። ስብከት፡ ኣብ እምነት ክርስትና ቐዳማይን ዓብይን ገልግሎት’ዩ። ነቶም ኣብ እምነት ዘየለዉ ሰባት፡ ብስብከት ኢና ’ንበጽሖም።
"እንሆ ኸኣ፡ "ኢየሱስ ወዲ ኣምላኽ፡ ምሳኻ’ሞ እንታይ ኣሎና፧ ቅድሚ ጊዜኡ ኽትሳቕየናዶ ናብ’ዚ መጻእካ፧" እናበሉ ጨርሑ። . . . እቶም ኣጋንንቲ ድማ፡ "ኸተውጽኣና እንተ ዄንካስ፡ ናብ’ዚ መጓሰ ሓሰማታት ክንኣትው ፍቐደልና።" ኢሎም ለመንዎ።" ማቴ 8፡29።
"ብዅሉ ወገን ንጽቀጥ፡ ግናኸ ኣይጸብበናን’ዩ፡ ’ንገብሮ ይጠፍኣና፡ ግናኸ ተስፋ ኣይንቐብጽን ኢና። ንስጐጕ፡ ድርቡያት ግን ኣይኰንናን። ይደፍኡና፡ ግናኸ ኣይጠፍእን ኢና።"
2ቈረ 4፡8,9 (ዘካ 9፡12)
"ንስኻትኩም፡ ጐይታኦም ካብ መርዓ ኽሳዕ ዚምለስ ዚጽበዩ’ሞ፡ መጺኡ ዃሕኳሕ ምስ ኣበለ፡ ብኡንብኡ ዚኸፍቱሉ ሰባት ምሰሉ። እቶም፡ ጐይታኦም ኪመጽእ ከሎ ነቒሖም ዚረኽቦም ባሮት’ቲኦም ብጹኣን’ዮም። ተዓጢቑ ኣብ መኣዲ ኸም ዜቐምጦም፡ ቀሪቡ’ውን ከም ዜገልግሎም፡ ብሓቂ እብለኩም ኣለኹ። ኣብ 2ይቲ ወይ 3ይቲ ሕልዋ ለይቲ መጺኡ ኸም’ዚ እንተ ረኸቦም፡ እቶም ባሮት’ቲኦም ብጹኣን’ዮም።" ሉቃ 12፡36-38።
"ኣምላኽናስ ኣብ ሰማይ ኣሎ፡ ዝደለዮ ዅሉ ይገብር’ዩ። ...እግዚኣብሄር ኣብ ሰማይን ምድርን፡ ኣብ ባሕርን መዓሙቝን ዝደለዮ ዘበለ ይገብር’ዩ።" መዝ 115፡3 ፣ 135፡6።
"እምበኣርሲ ኣቱም ኣሕዋትና፡ እዚ ዚንገረኩም ዘሎ መልእኽቲ፡ "ሕድገት ሓጢኣት ብኢየሱስ’ዩ" ዚብል ከም ዝዀነ ፍለጡ። እቲ ብሕጊ ሙሴ ኺጸድቕ ዘይተኻእሎ፡ ነፍሲ ወከፍ ብኢየሱስ ዚኣምን ዘበለ ይጸድቕ።" ግብ 13፡38,39 ካ.ት
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ