"ኬድኩም ድማ፡ መንግስተ ሰማያት ቀሪባ’ላ፡ ኢልኩም ስበኹ። ማቴ 10:7።
ንስኻ ግና ብዅሉ ተጠንቀቕ፡ መከራ ጽገብ፡ ግብሪ ወንጌላዊ ግበር፡ ኣገልግሎትካ መልእ። 2ጢሞ 4:5።
"በተን ኣምላኽ ኪሕስወለን ዘይክኣል ክልተ ዘይልወጣ ነገር (ተስፋኡን ማሕላኡን) ጌርና፡ ንሕና፡ ነታ ኣብ ቅድሜና ዘላ ተስፋ ንምሓዝ ሃዲምና ዝወጻእና፡ ብርቱዕ ምጽንናዕ ክንረክብ ኢና።" እብ6፡18
እንሆ’ዚ ዕለት’ዚ፡ መበል 42 ሰንበት ናይ ዘመነ ሓዋርያት’ዩ። ብመሰረት ስርዓት ቅድስቲ ቤተ ክርስትያንና ድማ፡ ካብ ሰነ 18 ኽሳዕ ሰነ 25 ዘሎ ቕንያት "ዘመነ ኣስተምህሮ" ይብሃል። እዚ ዘመን’ዚ ርእሱ ዝኸኣለ ዓብይ ዘመን’ምበር፡ ናይ ዘመነ ሓዋርያት ንኡስ ዘመን ኣይኰነን። ኵላትና ኸም ንፈልጦ፡ ኣብ ሓደ ዓመተ-ግእዝ ክልተ ናይ ኣስተምህሮ ዘመናት’ዩ ዘሎና።
እንሆ’ዚ ዕለት’ዚ መበል 11 ሰንበት ናይ ዘመነ ትንሳኤ፡ ሓምሻይ ሰንበት ናይ ዘመነ ዕርገት፡ ከምኡ’ውን ሳልሳይ ሰንበት ናይ ዘመነ ሓዋርያት’ዩ። ነዚ ዕለት’ዚ ብቕዱስ ያሬድ ዝተዳለወ መዝሙር ድማ፡ "ዘምሩ ለእግዚአብሔር ጻድቃኑ" (ጻድቃኑ ንእግዚአብሔር ዘምሩሉ) ዘርእስቱ’ዩ። ትርጕም ትሕዝቶኡ ኸኣ፦
"ዓለም እንተ ጸልኣትኩም፡ ቅድመኹም ንኣይ ከም ዝጸልኣትኒ ፍለጡ። ንስኻትኩም ካብ ዓለም እንተ ትዀኑስ፡ ዓለም ከም ናታ ምፈተወትኩም ነይራ። ኣነ ኻብ ዓለም ሓረኹኹም’ምበር፡ ንስኻትኩም ካብ ዓለም ኣይኰንኩምን፡ ስለ’ዚ ኸኣ’ያ ዓለም ትጸልኣኩም ዘላ። . . . ኣቱም ከሓድቲ፡ ንዓለም ምፍቃር ንኣምላኽ ምጽላእ ከም ዝዀነዶ ኣይትፈልጡን ኢኹም። እቲ (ፈታው) ዓለም ኪኸውን ዚደልይ ሰብ፡ ጸላእ ኣምላኽ ይኸውን።" ዮሃ15፡18,19 ካ.ት ፣ ያእ 4፡3,4 ካ.ት
"ከምቲ ሰብነት ሓደ ኸሎስ ብዙሕ ኣካላት ዘለዎ፡ እቲ ኣካላት ከኣ ብዙሕ (ክነሱስ) ሓደ ሰብነት ዝዀነ፡ ክርስቶስ ከኣ ከምኡ’ዩ። ከመይ ንሕና፡ ኣይሁድ ኰንና ግሪኻውያን፡ ባሮት ኰንና ጭዋታት፡ ኵላትና ሓደ ሰብነት ምእንቲ ኽንከውን፡ ብሓደ መንፈስ ተጠመቕና፡ ሓደ መንፈስ’ውን ሰተና። . . . "እንሆ፡ ኣሕዋት ብሓደ ሓቢሮም ኪነብሩስ፡ ክንደይ ሰናይን ክንደይ ጥዑምን’ዩ።" 1ቈረ12፡12,13 ካ.ት ፣ መዝ133፡1
"ኣነ ኸኣ ንኣቦ ኽልምኖ’የ፡ ንሱ ድማ ንዘለኣለም ምሳኻትኩም ዚነብር ካልእ መጸናንዒ (መንፈስ ቅዱስ) ኪህበኩም’ዩ። . . . ንስኻትኩም (ብክርስቶስ) ቃል-ሓቂ፡ ናይ ምድሓንኩም ወንጌል፡ ምስ ሰማዕኩም ብእኡ’ውን ምስ ኣመንኩም፡ ብናይ ተስፋ መንፈስ ቅዱስ ተሓተምኩም። (መንፈስ ቅዱስ) ንምድሓን ጥሪቱ፡ ንውዳሴ ኽብሩ፡ ዕርቡን ርስትና’ዩ።"ዮሃ 14፡16 ፣ ኤፌ1፡13,14
እንሆ’ዚ ዕለት’ዚ ሻብዓይ ሰንበት ናይ ዘመነ ትንሳኤ’ዩ። ካብ ትማሊ ሓሙስ (በዓለ ዕርገት) ጀሚርና’ውን፡ ናብ "ዘመነ ዕርገት" ኣቲና‘ለና። ዘመነ ዕርገት ካብ በዓለ ዕርገት ክሳዕ ሰነ 17 ዘሎ ጊዜ ዜጠቓልል’ዩ። በዓለ ትንሳኤ ናብ መጋቢት 30 ኣብ ዝተሳሕበሉ፡ ዘመነ ዕርገት ናይ 39 መዓልታት ዘመን ኪኸውን ከሎ፡ በዓለ ትንሳኤ ናብ ሚያዝያ 27 ኣብ ዝወረደሉ ድማ፡ ናይ 11 መዓልታት ዘመን’ዩ ዚኸውን። ነዚ ናይ ዘመነ ዕርገት ቀዳማይ ሰንበት ዝተሰርዐ ናይ ቅዱስ ያሬድ መዝሙር፡ "በሰንበት ዐረገ ሐመረ" ዘርእስቱ’ዩ። ትርጕም ትሕዝቶኡ ድማ፦ “ብሰንበት ናብ ጃልባ ደየበ፡፡ ንባሕሪ’ውን ገሰፀ። ንንፋሳት’ውን ገሰፆም። (ንደቀ መዝሙሩ) "ኣይትጠራጠሩ ናብ ልብኹም ድማ፡ ጥርጣረ ኣይምጻእ። ከም’ቲ ኣቦይ ዝለኣኸኒ፡ ኣነ’ውን እልእከኩም ኣለኹ። ኣብ ቤት ኣቦይ ብዙሕ ማኅደር ኣሎ። ኣብ’ታ መንግስቲ ኣቦይ ምሳይ ምእንቲ ኽትኰኑ፡ ተመሊሰ ኽወስደኩም’የ"።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ