"ደጊም ንንቃሕን ንጠንቀቕን እምበር፡ ከምቶም ካልኦት ኣይንደቅስ።" 1ተሰ 5፡6
እንሆ’ዚ ዕለት’ዚ መበል 10ይ ሰንበት ናይ ዘመነ ክረምት’ዩ። ወርሒ ጳጕሜን መበል ዓሰርተው ሰለስተን ናይ መወዳእታ ወርሕን ናይ ዓመተ-ግእዝ ድማ’ዩ። ወርሒ ጳጕሜን፡ ናይ ዘመነ ክረምት ርእሱ ዝኸኣለ ንኡስ ዘመን’ዩ። ብመሠረት ሥርዓት ቅድስቲ ቤተ ክርስቲያንና፡ ካብ ጳጕሜን 1 ክሳዕ ጳጕሜን 6 ኣብ ዘሎ ቕንያት ዚዝመር መዝሙር ቅዱስ ያሬድ፡ "ከመ እንተ መብረቅ" ዘርእስቱ ዀይኑ፡ ኣብ ማቴ 24፡26-31፣ ማር 13፡24-27፣ ሉቃ 17፡23-24 መሠረት ገይሩ ዝተደርሰ ናይ ምጽኣት መዝሙር’ዩ።
እንሆ’ዚ ዕለት’ዚ መበል 51 ሰንበት ናይ ዘመነ ክረምት’ዩ። ብመሰረት ስርዓት ቅድስቲ ቤተ ክርስትያንና ብኣቈጻጽራ ግእዝ ካብ ነሓሰ 22 ክሳዕ ነሓሰ 26 ኣብ ዘሎ ቕንያት ዚዝመር መዝሙር ቅዱስ ያሬድ "ይሁበነ ዝናመ በጊዜሁ" ዘርእስቱ’ዩ። ትርጕም ትሕዝቶኡ ድማ፦
“ኣብ ጊዚኡ ዝናም ይህበና፡ ኣብ ጊዚኡ ዝናም ይህበና። እኽሊ በረኸት’ውን ይህበና። ክረምቲ ይኸፍት ምሕረት ይገብር፡ ናይ ዝናም በረኸት ይህበና፡ ዓይኑ ኸፊቱ፡ የማኑ ዘርጊሑ፡ ሳህሉ ይልእኽ፡ በቲ ዚፈልጦ ይኸብር።፫ ኣዒንቲ ዅሉ ነፍሲ ንእኡ ይጽበያ። ንሱ ድማ፡ በብጊዚኡ ምግቦም ይህቦም።
ብናይ ትእዛዝ ቃልካ ዝናም ከተውርድ፡ ኣዒንቲ ዅሉ ነፍሲ ንኣኻ ይትስፈዋ። ጐይታኣ ንሰንበት መን’ዩ ኸማኻ፡ ኢድካን ምሕረትካን ክትዝርግሕ ኣጽኒዕና ንልምነካ። ንጉስ ሰላም መድኃኔ ዓለም ሰላምካ ሃበና።
እንሆ’ዚ ዕለት’ዚ 50 (1ይ መበል14) ሰንበት ናይ ዘመነ ክረምት’ዩ። ብመሰረት ሥርዓት ቅድስቲ ቤተ ክርስትያንና ኻብ ነሓሰ 11 ኽሳዕ ነሓሰ 26 ዘሎ ንኡስ ዘመን "ዕጕለ ቋዓት፡ ደስያት፡ ዓይነ ኵሉ"‘ዩ ዚብሃል። ካብ ነሓሰ 17 ኽሳዕ ነሓሰ 20 ዘሎ ዕለታት ኣብ መዓልቲ ሰንበት ምስ ዚውዕል ዚዝመር መዝሙር ቅዱስ ያሬድ ድማ፡ "ንዒ ርግብየ ሠናይት" ዘርእስቱ’ዩ። ትርጕሙ ድማ፦
"ከይርአኹምዎ ተፍቅርዎ፡ ሕጂ’ውን ከይርአኹምዎ ብእኡ ትኣምኑ ኣለኹም፡ ነቲ ናይ እምነትኩም መደምደምታ ዝዀነ ድሕነት ነፍስኹም ምስ ተቐበልኩም ከኣ ብኺንገር ዘይከኣል ክቡር ሓጐስ ትሕጐሱ ኣሎኹም።" 1ጴጥ 1፡ 8-9 ካ.ት (ዮሓ 20፡ 26-29)
"ምሸት ምስ ኰነ፡ ኣጋንንቲ ዝሓደርዎም ብዙሓት ናብኡ ኣምጽኡ። እቲ ብነብዪ ኢሳይያስ፡ “ንሱ ድኻምና ወሰደ፡ ሕማምና’ውን ጾረ፡” ዝተባህለ ምእንቲ ኽፍጸም፡ ብቓሉ መናፍስቲ ኣውጽኣ፡ ሕማም ንዘለዎም ኵሎም ድማ ኣሕወዮም።" ማቴ 8:16,17።
""ኖህ ብዛዕባ’ቲ ገና ዘይተራእየ ነገር ራእይ ምስ ረኣየ፡ ብፍርሃት ኣምላኽ ተደሪኹ ብእምነት’ዩ ንምድሓን ቤቱ ‘ትኸውን መርከብ ዘዳለወ፡ (በታ መርከብ) ገይሩ ንዓለም ኰነና። ናይ’ቲ ብእምነት ዚርከብ ጽድቂ ኸኣ ወራሲ ዀነ።"እብ11፡7
"መንግስቲ ናይ ገበርቲ ፍቓዱ!! "ፍቓድ እቲ ኣብ ሰማይ ዘሎ ኣቦይ ዚገብር ደኣ’ምበር፡ ጐይታይ! ጐይታይ! ዚብለኒ ዅሉ ናብ መንግስተ ሰማያት ኣይኣትውን’ዩ።" ማቴ 7፡21 እንሆ’ዚ ዕለት’ዚ 3ይ ሰንበት ናይ’ዚ ዘመነ ክረምት’ዩ። ብመሰረት ሥርዓት ቅድስቲ ቤተ ክርስትያንና ብኣቈጻጽራ ግእዝ ካብ ሓምለ 11-16 ዘሎ ቕንያት፡ ናይ’ዚ "ዘርእ፡ ደመና፡ ጠል" ዝተባህለ ንኡስ ዘመን ሳልሳይን ናይ መወዳእታን ሰንበት’ዩ።
"ኬድኩም ድማ፡ መንግስተ ሰማያት ቀሪባ’ላ፡ ኢልኩም ስበኹ። ማቴ 10:7።
ንስኻ ግና ብዅሉ ተጠንቀቕ፡ መከራ ጽገብ፡ ግብሪ ወንጌላዊ ግበር፡ ኣገልግሎትካ መልእ። 2ጢሞ 4:5።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ