ስደት ትባሃል ስደት፡
ዘይብላ ክብረት፡
ብዘይካ ውርደት፡
ኣብ ደቂ ሃገር ቅትለት፡
ብዝተሳሕለ ካራ ንሞት፡
ናይ ስነ-ምግባር ጉድለት፡
ካብ ዘይምርዳእ ሕውነት፡
ይዝከረኒ ኣብ ዓድና ከለኹ ንእሽተይ፡
ቀደም ክጻወት ምስ ኩሎም የዕሩኽተይ፡
ሻኲ ተወሰጥ ቃርሳ ምስ ያህለለይ:
ሸደድ ገበጣ እንተላይ ሓንዳይ፡
ሕንቂል ሕንቅሊተይ ሰሰናቢተይ፡
እንካ ኣዝግነኒ ሻነ ብምንታይ፡
ተባሂሉ ክጽወት ኣብ ዓደይ፡
ደስ ይብለኒ ክዝክር ባህለይ።
ንኽብሪ ንዘክር ማዓልቲ ቅዱስ ዮውህንስ
ውላድ ካብ ኤልሳቤጥ ምስ ካህን ዘካርያስ
ቀረባ ቤተሰብ ንጎይታና እየሱስ ክርስቶስ
ህዝቢ ከጥምቕ ኣብ ፈለግ ዮርዳኖስ
ብግፍዒ ተቐትለ ብንጉስ ሄረዶትስ።
ትምህርቲ ትምህርቲ ስማ ጥዕምቲ:
መብልዒት እንጀራ ቀለብ ሊቃውንቲ:
መጥፊኢት ድንቁርና ኣጽዋር ናይ መሃዝቲ:
ህያብ ናይ ፈጣሪ ምርኩስ ናይ መራሕቲ:
ብርሃን ናይ ነበርቲ ሻቁሎት ናይ ዓመጽቲ:
ጉዝጓዝ ናይ ደቂ ሰብ ናይ ስድራ ሕብስቲ:
ማሕበራዊ ክብረ-ጸጋ ቁጠባዊ ርስቲ:
ናይ ሓሳር መፍትሒ ዘይጠፍእ መብራህቲ:
ናይ መነባብሮ ብልሓት ናይ ስራሕ ናውቲ:
ናይ ፖለቲካ ልሳን ንሓቂ መማጎቲ:
ናይ መንእሰይ ተስፋ ናይ ሂወት ስጉምቲ:
ናይ ቁሩብ ዓመት ሽግር ንሓዋሩ ሃብቲ:
ተማሃሩ መንእሰያት ኩልኹም ናእሽቲ:
ዕድመ ኣይውስንን እንተላይ ዓበይቲ:
ክማሃር ኣለዎ ሰብኣይ ምስ ሰበይቲ:
ነጋዳይ ሓረስታይ ሓዊስካ ሹማምንቲ:
እርጋን ከየርከበ ከይከደ መዓልቲ።
ብዙሕ ህዝቢ ይብሉኺ ሰላም
ብግእዝ ይብሉኺ ሰላም
ብኣራማይክ ይብሉኺ ሰላም
ብትግረ ይብሉኺ ሰላም
ብትግርኛ ይብሉኺ ሰላም
ብኣምሓርኛ ይብሉኺ ሰላም
ብዓረብ ይብሉኺ ሰላም
ብእብራይስጢ ይብሉኺ ሰላም
ካልኦት ውን ይብሉኺ ሰላም
ተደላይት ቃል ኣብ ኩሉ ዓለም።
ንኣቦና ቅዱስ እንጦንዮስ ብወግዒ ንዘክሮም:
ነዞም ቅዱስ መራሒ ብግቡእ ነኽብሮም:
ነዞም ቅዱስ ሃዋርያ ብኽብሪ ነልዕሎም:
ናይ'ዞም ቅዱስ ፈላሲ ነቃልሕ በረኸቶም:
ናይ'ዞም ቅዱስ መምህር ነመስግን ለውሃቶም:
ናይ'ዞም ቅዱስ ኣቦና ነዘንቱ ታሪኾም:
ዝተባረኹ ቅዱስ ፓትሪያርክ መዘና ዘይብሎም::
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ርሑስ
ጋዜጣ