ናይ ምስጋና ጸሎት:- ንገባሬ ሠናያትን መሓርን ኣምላኽ፥ ኣቡኡ ንጐይታናን ኣምላኽናን መድኃኒናን ኢየሱስ ክርስቶስ። ሰቲሩናን ረዲኡናን፥ ዓቂቡናን ተቐቢሉናን፥ ራኅሪኁልናን ደጊፉናን ክሳዕ እዛ ሰዓት እዚኣውን ኣብጺሑና እዩ እሞ ነመስግኖ ኣሎና። ሕጂውን ንዕኡ በዛ ቕድስቲ ዕለት እዚኣን፥ ብዅሉ ዘመን ሕይወትናን ብፍጹም ሰላም ኪዕቅበና ንዅሉ ዝመልኽ እግዚኣብሔር ኣምላኽና ንለምኖ።
ሊቃውንቲ ቤተ ክርስቲያንና ካብ ጥቅምቲ 10 ክሳብ 16 ኣብዚ ለይቲ እዚ ኺዝምርዎ ዝሓድሩ መዝሙር፡ “ወመኑ መሃሪ ዘከማከ” ዚብል እዩ።” ከማኻ ዝበለ መሓሪ መን ኣሎ” ዚብል ትርጉም ዘለዎ ኸኣ እዩ። ጐይታና’ውን ኣብቲ ዝተነበበልና ንባብ ወንጌል፡ ነቶም ንሰብ ምፍራድን ምዅናንን እምበር ካልእ ጥበብ ዘይነበሮም ፈሪሳውያን፡ “ምሕረት እፈትው፡ መስዋእቲ ኣይኰነን” ዚብል ሃይለ ቃል ከም ዝተዛረቦም ተጻሒፉልና ኣሎ። ቅድሚ ሕጂውን፡ ምስ ተገውትን ሓጥኣንን ኣብ ሓደ መኣዲ ተቐሚጡ ኺበልዕ ርእዮም ምስ ወቐስዎ፡ “ኣነ ንሓጥኣን እምበር ንጻድቃን ክጽውዕ ኣይመጻእኩን እሞ፡ ‘ምሕረት እፈትው፡ መስዋእቲ ኣይኰነን፡’ ዚብል (ቃል) እንታይ ማለት ምዃኑ ኪዱ ተመሃሩ” ኢልዎም ኼብቅዕ፡ ምስማዕ ስለ ዝኣበዩ፡ ንሰባት ካብ ምፍራድ ኪናገፉ ፈጺሙ ኣይተኻእሎምን (ማቴ 9፡13)። ነዚ ቓል እዚ ጐይታ ዚጠቕሶ ዘሎ፡ ካብቲ ነብዪ ሆሴእ፡ “ኣነስ ምሕረት እየ ዝፈትው መስዋእቲ ኣይኰነን፡ ካብ ዚሓርር መስዋእቲ ድማ ፍልጠት ኣምላኽ እፈትው።” ዝበሎ ትንቢታዊ ቓል እዩ (ሆሴ 6፡6)።
ህዝቢ ነቲ ሓቂ ክፈልጦ፥ ቃለ መሕትት ምስ ኢንጂነር ዑቕባዝጊ ሥዩም (1ይ ክፋል)
ኢንጂነር ዑቕባዝጊ ሥዩም ምስ ቤተክርስቲያን ተዋህዶ ዝነበሮም ርክብ ከመይ ይመስል? ምስ ፓትርያርክ ቅዱስ እንጦንዮስ ዝነበሮም ርክብ ምስቶም ካልኦት ጳጳሳት ተዋህዶ ካብ ዝነበሮም ርክብ ዝተፈልየ ድዩ?
ኣሓት ኣብያተ ክርስቲያናት ኦሬንታል፥ ጳጳሳት ኤርትራ ኣብ ልዕሊ ቅዱስ እንጦንዮስ ንዝወሰዶ ውሳኔ ብትሪ ነጺግዎ
መልእኽቲ ካብ ገዳም ደብረ ቢዘን – ክርስቶስ ሓርነት ኣውጺኡና እዩ። ስለዚ ጽንዑ፡
መልእኽቲ ካብ ገዳም ኣቡነ እንድርያስ ሰፍኣ– በቲ ኣብ ኣስመራ ዘሎ ሲኖዶስ ኣይንምራሕን ኢሉ ነጺግዎ
ብኅብረት ኦርቶዶክሳውያን መንእሰያት ዝተጸውዐ ኣገልግሎት ወንጌል፡ ኣብ ሃገረ-ስዊዲን ተኻይዱ ኢልካ ዝንገር ዜና፥ ነዚ ሕጂ ዘሎ ወሎዶ ዘየገርሞ ክኸውን ይኽእል’ዩ። ነቶም ሕያዎት ኣባሓጎታትና ኣብቲ መቓብሮም ኬድና ክንነግሮም እንተንኽእል ግና፡ ኣሚኖም ክቕበሉዎ ዝኸብዶም፥ ኣዚዩ ዘስደምም ትንግርቲ ኮይኑ ምተረኽበ ነይሩ። ከመይሲ ንሕና እዞም ሕጂ ዘሎና ደቂ ደቆም፡ ኤውሮጳ ተሳጊርና ኣብ ሃገረ-ስዊዲን፥ ሰበኽቲ ወንጌል ኴንና ክንርከብ መን ክሓስቦ ይኽእል-?!
ኣብ ዘመነ-መንግሥት ኃፀይ-ዮሓንስ፡ ማለት ኣብ መፋርቕ 18-ሚእቲ ክፍለ-ዘመን፡ ስዊድናውያን ሰበኽቲ ወንጌል ኮይኖም፥ ናባና ናብ ምድሪ-ሓበሻ ኣትዮም ዝነበሩሉ ዘመን ምዃኑ’ዩ ዝፍለጥ። እቲ ሕጂ ኣብ ሃገርና ዝርከብ ዘሎ እምነት ከኒሻ ከኣ፡ ኣብዚ ዝተባህለ እዋን’ዚ ክኣቱ ከም-ዝኸኣለ’ዩ፥ እቲ ናይ ትማሊ ታሪኽና ዝዛረብ። እምኩሉ፡ በለዛ፡ ጸዓጸጋን ገለብን ድማ፡ ምስዚ ታሪኽ’ዚ ምትእስሳር ዘለወን ኮይነን፥ ካብ ዝዝከራ ዓድታት እየን።
ሬሳ ባሮትካ ንምግቢ ኣዕዋፍ ሰማይ፡ ስጋ ጻድቃን ንኣራዊት መሮር ሃብዎም፡ ደሞም ኣብ ዙርያ ምድሪ ኤርትራ ከም ማይ ኣፍሰስዎ፡ ቀባሪውን ኣይነበረን” መ.ዳዊት 79:2.።
ሰንበት 23 ሰነ 2019 ዓ.ም ምእንቲ እቶም ንፍትሕን ናጽነትን ሰላምን ኢሎም ክብርቲ ህይወቶም ዝወፈዩ ስዉኣት ኤርትራ ጸሎተ ፍትሓት ክግበር እዩ። መዘከርታ ስውኣትና፡ ንኩሉ ዓይነት ሕብረተ ሰብና ዘጠቓለለ ስለ ዝኾነ፣ መንበረ ጵጵስና ኣህጉረ ስብከታት እዛ መዓልቲ'ዚኣ ናይ ጸሎት መዓልቲ ክትከውን ንኩሎም ምእመናን ሓደራ ይብል።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ