መደብ እግዚኣብሔር፡ መውስቦ ቅዱስን ሰናይን ኪኸውን እዩ

“እግዚኣብሔር ኣምላኽ ከኣ “ሰብኣይ በይኑ ኺነብር ጽቡቕ ኣይኮነን። ንእኡ እትሰማማዕ ደጋፊት ክገብረሉ እየ” በለ። …ኣዳም “እዚኣ ዓጽሚ ኻብ ኣዕጽምተይ ስጋ ኸኣካብ ስጋይ እያ፡ ካብ ሰብኣይ ተወሲዳ እያ እሞ፡ ሰበይቲ ትብሃል” በለ። ስለዚ ሰብኣይ ኣቦኡን ኣዲኡን ይሓድግ፡ ምስ ሰበይቱ ኸኣ ይውሓድ። ሓደ ኣካል ድማ ይኾኑ። (ዘፍ 2፡18,21-23) ።

“ሰበይቲ ምርካብ ሰናይ ምርካብ እዩ፡ እዚ ኸኣ ኻብ እግዚኣብሔር ሞጎስ ምርካብ እዩ” ምሳሌ 18፡22።

“He who finds a wife finds what is good and receives favor from the Lord..” Proverb 18:22.

እቲ ኣምላኽ ሓደ ዚገበሮ ሰብ ኣይፍለዮ።

“For this reason a man shall leave his father and mother and be joined to his wife and the two shall become one flesh. So then, they are no longer two but one flesh. Therefore what God has joined together, let not man separate” (Matthew 19:5-6).

እቲ ኣምላኽ ሓደ ዚገበሮ ሰብ ብኸመይ የፍርሶ?

መውስቦ  ካብ ኣምላኽ  ምዃኑ ብዘይምፍላጡ

“ቤትን ሃብትን ካብ ወላዲ ይውረስ፡ ለባም ሰበይቲ ግና ካብ እግዚኣብሔር እያ።” ምሳሌ 19፡14 (ንኽልቲኦም ጾታ ዝምልከት እዩ)

ምሥጢረ-ተክሊል ዘይምርዳእ (1+1 = 1 mathematically wrong)

“ስለዚ ሰብኣይ ኣቦኡን ኣዲኡን ሓዲጉ ምስ ሰበይቱ ሓደ ይኸውን። ክልቴኦም ከኣ ሓደ ኣካል ይኾኑ።” እዚ ምስጢርዚ ዓብይ እዩ። ኣነ ግና ብክርስቶስን ብቤተክርስትያንን ይምስሎ ኣሎኹ። ኤፌ 5፡25-33

ቃል ኪዳን ምፍራስ እግዚኣብሔር ዝጽየፎ ምዃኑ ብዘይምፍላጡ

“ምፍታሕ እጸልእ እየ። እወ ኣብ ልዕሊ ሰበይቲ ኺዳኑ ከምዚ ዝበለ ዓመጽ ንዜምጽእ ሰብ እጸልኦ እየ። ስለዚ ንበዓልቲ ቓል ኪዳንኩም ከይትጠልምዋ ገዛእ ርእስኹምሓልዉ” ይብል እግዚኣብሔር …” ሚልክያስ 2፡16

ሰብኣይን ሰበይትን ተርኦም ዘይምፍላጥ 

“…ስለዚ ነፍስ ወከፍኩም ንሰበይቱ ከም ነፍሱ ገይሩ የፍቅራ፡ ሰበይቲ’ውን ንሰብኣያ ተኽብሮ።” ኤፌ 5፡25-33

ንኣምላኽ ቀዳምነት ዘይምሃብ

“ቅድም መንግስቲ ኣምላኽን ጽድቑን ድለዩ፡ እዚ ኩሉ ድማ ይውሰኸልኩም።” ማቴ 6፡33

000,000,001 (ንኣምላኽ ድሕሪት ዝሰርዕ ሰብ)

100,000,000 (ንኣምላኽ ቅድሚት ዝሰርዕ ሰብ)

መርዓ ኪብሃል ከሎ ብዙሕ ግዜ ኣብ ህዝብና እንዕዘቦ፡ ናይ ምግቢ ክዳን ሽልማትን ምድላዋት ምስተወድአ…መጨረሻ እያ ቤተክርስትያን ትዝከር።

ሎሚ ናይ ኣሕዋትና መርዓ ፍሉይ ዚገብሮ እምበኣር ንኣምላኽ መጀመርያ ስለዝሰርዕዎ እዩ። ብቅዱስ ቁርባን ዝፍጸም ዘሎ ተክሊል ስለዝኾነ ንብዙሓት ኣርኣያን ትምህርትን እዩ።

ቤተሰብ ምምስራት ንእሽተይ ቤተክርስትያን ምምስራት ምዃኑ ዘይምርዳእ (እቲ ኣብ ቤተክርስትያን ዘሎ ፍቕሪ፡ ጸሎት፡ ቃል እግዚኣብሔር … ኣካል እታ ትምስረት ቤት እዩ)

ክንደይ ሳዕ ኢና “ህድግ ለነ ኣበሳነ ከመ ንህድግ ለዘኣበሰ ለነ…” ንጽሊ።

ቅ. ጴጥሮስ ንሓወይ ክንደይ ሳዕ እየ ይቕረ ዝብለሉ? (ማቴ 18፡22) ኢሉ ምስ ሓተተ 7 x 70 = 490

ይቕረታ ዝፈልጡ ሰብኣይን ሰበይትን ጽኑዕ ሓዳር ኣለዎም።

“ከምቲ ንሱ ኣብ ብርሃን ዘሎ፡ ኣብ ብርሃን እንተተመላለስና ግና ኣብ ንሓድሕድና ሕብረት ኣሎና ደም ኢየሱስ ክርስቶስ ወዱውን ካብ ኩሉ ሓጢኣት የንጽሃና እዩ” 1 ዮሃ1፡7

ኣብ ጸልማት ዘሎ ሰብ ጌጋ ናይ ብጻዩ እምበር ናይ ገዛእ ርእሱ ኣይርኣዮን እዩ።

ከምቲ ምስ መድሓኒና ክርስቶስ ዕለተ-ዕለት መሰል ውልድነትና ነሐድስ፡ ቃል ኪዳን ከኣ ዕለት ዕለት ኪሕደስ ይግብኦ።

ኣቦታት ቤተክርስትያን ብዛዕባ መውስቦ ዝበልዎ

Orthodox View፡ The Orthodox believe that in marital relations, lustful Eros is transfigured into self-sacrificial Agape, a love modelled on the love of Christ and the Church: “Husbands, love your wives, even as Christ also loved the church, and gave himself for it.” (Eph 5:25) It is the self giving in this relationship that raises it above worldly love.

“ንሕናስ መውስቦ ንጹህ ከምዝኾነ፣ ምውላድውን ርኽሰት ዘይብሉ ከም ዝኾነ ንምህር። እግዚኣብሔር ንኣዳምን ንሔዋንን ሕዝቢ ኪበዝሑ ኢሉ ፈርይዎም እዩ።” ኣመክንዮ ዘሓዋርያት።

“ኣብ ቤት እግዚኣብሔር ማለት ኣብታ ናይ ሓቂ ዓንድን መሰረትን ዝኾነት ቤተክርስትያን ህያው ኣምላኽ፡ ከመይ ጌርና ክንነብር ከም ዝግብኣና ክትፈልጥ ጽሒፈልካኣሎኹ።” 1ይ መልእኽቲ ጳውሎስ ናብ ብመንፈስ ወዱ ዝኾነ ጢሞቴዎስ 3፡15።

ንብፁእ ውቅዱስ ሣልሳይ ፓትርያርክ ኣቡነ እንጦንዮስ ብጥዕናን ሰላምን ይሓልወልና!

ንቤተክርስትያንናን ሃገርናን ድማ ሰላሙ ይሃብ።

ቅድስት ማርያም ኤርትራ ኦ.ተ.ቤ/ክ በይ ኤርያ ካሊፎርንያ