ምሳሌ 4:23 "ህይወት ካብኡ እያ እትፍልፍል እሞ ልዕሊ ኹሉ ንልብኻ ሓልዎ።"
ናይ ቄሳር ንቄሳር ናይ እግዚኣብሄር ድማ ንእግዚኣብሄር ከምዝብል ንሕና ድማ ናይቲ ፈቃር እግዚኣብሄር ኢና ፍቅሩ ድማ ኣብ ባህሪና ኣሎ እሞ ነቲ ሽርሒ ጽልኢ ቅንኣት ክሲ ውስልትና ተንኮል ናይ ሰይጣን ተግባር በስመኣብ ወወልድ ወመንፈስ ቅዱስ ኢልና ኣማዕቲብና ካብ ልቦናና ነርሕቖ። ንእሽተይ ጥንሲ ዝበሃል የለን ጥንሲ ጥንሲ እዩ ከምኡውን ጎደሎ እምነት የለን ኣመንቲ ካብ በልና ምሉእ እምነት ክህልወና ይግባእ።
2 ጴጥሮስ 1:5-7 "ብትግሃት ዘበለ ተጋደሉ ኣብ እምነትኩም ደግነት ወስኹ ኣብቲ ደግነትውን ፍልጠት ኣብታ ፍልጠት ከኣ ምግታእ ርእስኻ ኣብታ ምግታእ ድማ ዓቕሊ ኣብቲ ዓቕሊዉን ፍርሃት እግዚኣብሄር ኣብ ፍርሃት እግዚኣብሄር ድማ ምፍቃር ኣሕዋት ኣብቲ ምፍቃር ኣሕዋትውን ፍቕሪ ንኹሉ ሰብ። "
ትዕግስትና የዋሕነትና ምስትወዓልና ህድኣትና ኮታ ኩለንትናና ብሓንሳብ ጠርኒፍና ንኽብርን ሞጎስን እግዚኣብሄር ንኸነወዕሎ ምሉእ ዘይጉድል ዕድል ተዋሂቡና ኣሎ እሞ ከምቲ “ዝመጸ ከይመጸ ብርኩታካ ንጸ” ዝተባህለ ነቲ ቡርኩታ ቃል እግዚኣብሄር ብደም የሱስ ዝተጻሕፈ ኹቡር ህያብና ብዘይጽኑዕ ትምኒትን ብፈከራን ጥራሕ ዘይኮነ ብእምነትን ብፍቅርን ብዓቢኡ ከኣ ብተግባር ክንጥቀመሉን ከነዘውትሮን ይግባእ። ፍቅርና ድማ ቐጻሊ ክኾነልና ነቲ ህያው ኣምላኽ ኣብ ርእሲ ፍቅሪ ፍቅሪ ከዕስለልና ኣብ ዘዘለናዮ ኮይና ንለምን።
ኣሜን!
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ