.jpg)
ዓመታዊ ክብረ በዓል ቤተ ክርስትያን ደብረ ብርሃን ቅድስት ስላሴ ከተማ ስያትል፡ ካብ ቀዳም 11 ክሳብ ሰንበት 12 ሓምለ 2009 (ሓምለ 4-5/ 2001 ዓ.ም. ግእዝ) ካብ ዝተፈላለየ ከተማታት ኣመሪካ ብዝመጹ ሊቃውንቲ ውሉደ-ክህነትን ቅድሚ ሕጂ ተራእዩ ዘይፈልጥ ብዝሒ ምእመናን ተኸቢሩ።ክብረ በዓል ቅድስት ስላሴ: ግዚኣብሔር ሓድነቱን ሰለስቱነቱን ዘግሃደሉ ዕለት፣ ነቲ እሙን "ዓርኪ-ኣምላኽ ኣቦ ምእመናን" እናተባህለ ዝጽዋዕ ኣብርሃም: ዓስቢ እምነቱ ዝተቐበለሉ ዕለት ምኻኑ መሳጢ ትምህርቲ ቀሪቡ።
ቀጺሎም ብልብሰ-ተክህኖ ዝማዕረጉ መዘምራን ቤት ትምህርቲ ሰንበት መዛሙር ከቕርቡ ከሎዉ ብኣማኢት ዝቑጸሩ ምእመናን ሓቢሮም ምስ ደቆም ብምዝማር ከኣ ክብ ዝበለ ፍስሃን ሓጎስን ኣብ ገጾም ይንበብ ኔሩ። ብድሕሪዚ ብሊቃውንቲ ቤተክርስትያን እንዳተመርሑ ምእመናን እንዳዘመሩን እንዳሸብሸቡን ብሓጎስን ዕልልታን ተሰንዮም ዑደቶም ድሕሪ ምፍጻም ናብቲ ዝተዳለወሎም ኣደራሽ ኣምርሑ። እግዚኣብሔር ብሰላም ሓልዩ ንዓመታ ክብረ በዓል ደብረ ብርሃን ቅድስት ስላሴ ከነብዕል ፍቓዱ ይኹን።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ