ሓሙስ 3 ጥቅምቲ 2013 ካብ ሊብያ ናብ ኤውሮጳ እተምርሕ ዝነበረት ጃልባ: ኣብ ገማግም ደሴት ላምፐዱሳ (ዓዲ ጥልያን) ክትዓርፍ ውሑድ ኪሎሜትሮ ምስ ተረፋ ከምዝጠሓለት ተሓቢሩ። እታ ጃልባ 518 ዝኾኑ ሰባት ጽዒና ከምዝነበረትን ካብኦም 510 ዝግመቱ ኤርትራውያን ኮይኖም፡ 8 ዝኣኽሉ ድማ ኢትዮጵያውያን ከምዝነበሩ እቶም ዝደሓኑ ሰባት ሓቢሮም።154 ኤርትራውያን ክድሕኑ እንኰለዉ፡ ኣስታት 365 ዝኣክል ሬሳታት ከምዝተረኽበ ተፈሊጡ ኣሎ።
ኦርቶዶክሳዊት ቤተ ክርስቲያን ኤርትራ፡ በቲ ኣብ ልዕሊ ደቃ ዝወረደ ህልቂት መሪር ሓዘን እናተሰምዓ፡ ጠንቂ እዚ ኹሉ ጸገም ካብ ውሽጥና ስለዝኾነ፡ ኤርትራውያን ምእመናን ብጸሎት ክነቕሑ ተዘኻኽር። እግዚኣብሔር ንስቓይና መወዳእታ ጌሩ፡ ህይወቶም ንዝሰኣኑ ዜጋታትና ኣብ መንግስተ ሰማያት ክቕበሎም፣ ንስድራ ቤቶም ድማ ምጽንናዕ ክህብ ንጽሊ።
መንበረ ጵጵስና ሰሜን ኣሜርካ ኣብ 2011 ስለቶም ኣብ ማያት ሊብያ ዝሃለቑ 325 ኤርትራውያን ኣብ 2013 ድማ ስለቶም ግዳያት ምደረ በዳ ሲናይ ጸሎት ፍትሓት ከምዘካየደ ይዝከር።
መርበብ ሓበሬታ ተዋህዶ። (Updated on 10/30/2013@10:10 AM EST)
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ