ብፁዕ ኣቦና ኣቡነ መቃርዮስ፣ ናይ ኤርትራ ኦርቶዶክስ ተዋሕዶ ቤተ-ክርስቲያን ሕጋዊ ዓቃቤ-መንበር። ኣብቲ ኣብ ሃገረ-እስራኤል ክገብሩዎ ዝቐነዩ ሓዋርያዊ ዑደት። ንሓደ ካህንን ሠለስተ ኣናጉኒስጢስን መዓርግ ሂቦም። እቶም ኣብ ትሕቲ ጽላል ቤተ-ክርስቲያን ቅድስቲ-ማርያም ቴል-ኣቪቭ። ተጠርኒፎም ዝርከቡ ዘለዉ ማኅበረ-ምእመናን ድማ፣ እዚ ኣጋጣሚ`ዚ ዕጽፍን ድርብን ሓጎስ ክኾነሎም ክኢሉ`ዩ ክበሃል ይከኣል። ከመይሲ ንኣገልግሎት ቤተ-እግዚኣብሔር ዝኾኑ መንእሰያት ንመዓርግ ከተብጽሕ ምኽኣል። ኣቕሊልካ ክርአ ዝግብኦ ዕድል ኣይኮነን።
እቶም ኣብቲ እዋን`ቲ፣ ብጉባኤ ማኅበረ-ምእመናን ይደልዎ እናተባህለ፣ ናይ ምብራኽ ሥነ-ሥርዓት ዝተፈጸመሎም ኣገልገልቲ ድማ። እዞም ኣስማቶም ብዝርዝር ተገሊጾም ዘለዉ እዮም።
ቀሲስ ብርሃነ-መስቀል ገብረእግዚኣብሔር
ኣናጉኒስጢስ መድኃኔ ካሕሳይ
ኣናጉኒስጢስ ገብረ-ብርሃን ኣማኑኤል
ኣናጉኒስጢስ ጴጥሮስ ሣህለ
ኣብ መወዳእታ ኩሎም እቶም ኣብዚ ዕለት`ዚ መዓርግ ዝተቐበሉ ኣገልገልቲ። እግዚኣብሔር ዝኸብረሉ መዓርግ ክኾነሎም ናይ ኩሎም ማኅበረ-ምእመናን፣ ጸሎትን ሠናይ ትምኒትን እዩ።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ