ሠናይ ገድሊ ተጋዲለ፡ እቲ ጕያ ወዲኤ፡ ነታ እምነት ሐልየ። ደጊምሲ ጐይታይ፡ ንሱ እቲ ጻድቕ ፈራዲ፡ በታ መዓልቲ እቲኣ ዚህበኒ ኣኽሊል ጽድቂ ተነቢሩለይ አሎ። እዚ ግና ነቶም ምግሃዱ ዜፍቅሩ ዅላቶም ድማ እዩ እምበር፡ ንኣይ ጥራይ ኣይኰነን። 2 ጢሞ 4:7-8። ሠናየ ገድለ ተጋደልኩ፥ በድርየኒ ፈጸምኩ፥ ወሃይማኖትየኒ ዐቀብኩ፥ እንከሰ ጽኑሕ ሊተ ኣክሊለ ጽድቅ ዘየዐሥየኒ ይእተ ዕለተ እግዚኣብሔር መኰንነ ጽድቅ ወኣኮ ለባሕቲትየ ኣላ ለኲሎሙ እለ ያፈቅሩ ምጽኣተ ዚኣሁ። ፪ ጢሞቴዎስ ፬፥፯-፰።
መዓልታዊ መደባት ሬድዮ ተዋህዶ
|
ሰኑይ |
ሰሉስ |
ረቡዕ |
ሓሙስ |
ዓርቢ |
ቀዳም |
ሰንበት |
|
ክርስቲያናዊ ስድራቤት |
መንእሰያትን ህጻናትን |
ህይወት ቅዱሳን |
ስነ ጽሑፍ |
ርእይቶ ሕዝቢ፣ ሕቶን መልስን |
ስብከተ ወንጌል |
ስብከተ ወንጌል |
|
|
ሓደ ፓትርያርክ፥ ሓንቲ ኦርቶዶክሳዊት ቤክ ተዋህዶ ኤርትራ፦ ሓንቲ እምነት: ሓደ ጎይታ: ኤፌ፥4:5. |
|
እቲ ናብ ደምበ ኣባጊዕ ብኣፍ ደገ ዘይኣቱ፡ ብኻልእ ወገን ዚሐኵር፡ ንሱ ሰራቕን ጕሒላን ከም ዝዀነ፡ ብሓቂ፡ ብሓቂ እብለኩም አሎኹ። ወንጌል ዮሃንስ 10:1። |
|
መደብ ጸሎተ ፍትሓት (ዳግማይ ቀብሪ) 3ይ ፓትርያርክ ቅዱስ እንጦንዮስ
በስመ ኣብ ወወልድ ወመንፈስ ቅዱስ ኣሃዱ ኣምላክ ኣሜን።
ቆኖናዊ ኣሕጉረ ስብከታት ሰሜን ኣሜሪካ፥ ኤውሮጳን ማእከላይ ምብራቕን ብምኽንያት ዕረፍቲ ግፉዕ፥ ቅዱስ ኣቡነ እንጦንዮስ 3ይ ፓትርያርክ ሃገረ ኤርትራ ዝተሰመዓና መሪር ሓዘን እንዳገለጽና፥ ንኹሎም ደቂ ቅድስት ኦርቶዶክሳዊት ተዋሕዶ ቤተ ክርስቲያንን ኤርትራውያን ደቂ ሃገርን ኣብ ውሽጥን ወጻእን ዝነብር ህዝብና፥ ልዑል እግዚኣብሔር ጽንዓትን ኑዛዜን ክህበና ብጸሎት ንልምን። ቀጺልና፡-
1) ሰንበት 13 የካቲት 2022 (፮ የካቲት ፳፻፲፬ ግእዝ) ኣብ ኩለን ኣብያተ-ክርስቲያን ኣሕጉረ ስብከታት መስዋዕተ-ቅዳሴን ጸሎተ-ፍትሓትን (እግዚኣ-ሕያዋን) ክግበር።
2) ሰንበት 20 የካቲት 2022 (፲፫ የካቲት ፳፻፲፬ ግእዝ) ብብፁዕ ኣቡነ መቃርዮስን ናይ ኦሬንታል ብፁዓን ኣቦታትን ዝመርሕዎ፥ ናይ ኣሜሪካን ካናዳን ኩሎም ውሉደ-ክህነትን ኦርቶዶክሳውያን ኣመንትን ዝሳተፍዎ ወግዓዊ -ጸሎተ-ፍትሓት (ካልኣይ-ቀብሪ) ኣብ ደብረ ሰላም ቤተ ክርስቲያን መድኃኔ-ዓለም ዋሽንግቶን ዲሲ (Map & Address) ክግበር ስለኾነ፥ ኩሉ ሰብ ፈነዋን ቡራኬን ቅዱስ ኣቡነ እንጦንዮስ ክካፈል ብኽብሪ ንዕድም። ሃገረ ስብከት ኤውሮጳ፥ እስራኤል፥ ኣውስትራልያን'ውን ተመሳሳሊ መድባት ተሰሪዑ ስለዘሎ በብኸባቢኡ ህዝቢ ክሳተፍ ንዕድም።
3) ን40 መዓልቲ ኣብ ኩለን ቤተ ክርስቲያን ዝግበር ጸሎተ-ቅዳሴ፥ ስም 3ይ ፓትርያርክ ቅዱስ ኣቡነ እንጦንዮስ ክዝከር መንፈሳዊ መልእኽትና ነመሓላልፍ።
“ኦ እግዚኦ! ኣዕርፍ ነፍሰ ቅዱስ እንጦንዮስ፥ ወኣንብር ለነ ህየንቴሁ ሔረ ወመራሔ”
ቀኖናዊ ኣሕጉረ ስብከታት ሰሜን ኣሜሪካ፥ ኤውሮጳን ማእከላይ ምብራቕን
11 የካቲት 2022 ዓ.ፈ (፬ የካቲት ፳፻፲፬ ግእዝ)
ዕረፍቲ 3ይ ፓትርያርክ ቅዱስ እንጦንዮስ
ቅዱስ ኣቡነ እንጦንዮስ፥ 3ይ ፓትርያርክ ኦርቶዶክሳዊት ተዋሕዶ ቤተ ክርስቲያን ኤርትራ: ረቡዕ 9 የካቲት 2022 ዓ.ም. ፈ.(2 የካቲት 2014 ዓ.ም.ግ) ዓሪፎም። "...መዘከርታ ጻድቕ ንዘለአለም ይነብር።" መዝ ዳዊት 112. 6።
እግዚኣብሔር ዘለዓለማዊ ዕረፍቲ ይሃቦም። ንተዋሕዶ ቤተ ክርስቲያን ኤርትራ ድማ ምጽንናዕ ይሃባ።
እቲ ኣብ ልዕሊ ቤተ ክርስቲያን ተዋህዶ ብመንግስቲ ኤርትራ ክካየድ ዝጸንሐን ዘሎን ገበን
““.....ኣቱም ኣጕባዝ፡ ብርቱዓት ስለ ዝዀንኩምን፡ ቃል ኣምላኽ ኣባኻትኩም ይነብር ስለ ዘሎን፡ ነቲ እኩይ’ውን ስዒርኩምዎ ኢኹም’ሞ፡ ጽሒፈልኩም ኣለኹ።” 1ዮሃ 2፡14
መልእኽቲ ጥምቀት ጎይታና ኢየሱስ ክርስቶስ ብብጹእ ኣቡነ መቃርዮስ ሊቀ ጳጳስ ቀኖናዊት ቤተ ክርስቲያን ተዋህዶ ኤርትራ
19 ጥሪ 2017
ቃል ውግዘት ቅዱስ ኣቡነ እንጦንዮስ ብዛዕባ ምሻም ዘይሕጋዊ ፓትርያርክ
ካብ ቃሎም ዝተረኽበ መልእኽቲ - 19 ሚያዝያ 2021
“እተን ዓያሱ፡ ቀቀንዴለን ወሲደን ዘይቲ ኣይተማልኣን። እተን ለባማት ግና መምስ ቀንዴለን ኣብ ጢናአን ዘይቲ ተማልኣ።” ማቴ 25፡3,4
ብፁእ ወቅዱስ ኣቡነ እንጦንዮስ ካብ ኣቦኦም ቀሺ ገብረመድኅን ደብረጽዮን፡ ካብ ኣዲኦም ወ/ሮ ኢለን ቀለታ፡ ኣብ ዞባ ማእከል ሕምብርቲ ብዕለት 5 ሓምለ, 1919 ዓ.ም.ግእዝ (1927 ዓ.ም.ፈ) ተወልዱ። ወዲ 5 ዓመት ምስ ኮኑ ንገዳም ደብረ ጽጌ ኣቡነ እንድርያስ ተወፍዮም። ኣብ ገዳም ደብረ ጽጌ ኣቡነ እንድርያስ ካብ ፊደል ክሳብ ግብረ ዲቁና ተማሂሮም ኣብ 12 ዓመቶም ድማ መዓርግ ዲቁና ብብፁእ ኣቡነ ማርቆስ ተሾሙ። ብርድእናን ዝተፈላለየ ናይ ገዳም ኣገልግሎት ከገልግሉ ድሕሪ ምጽናሕ፥ ዘድሊ ናይ ግብረ ክህነት ትምህርቲ ምስ ተማህሩ ኣብ 1942 ዓ.ም.ግእዝ (1950) መዓርግ ምንኩስና ለቢሶም፡ ኣባ የማነ ብርሃን መነኮስ ደብረ ጽጌ ኣቡነ እንድርያስ ሰፍኣ ኮኑ። ኣብታ ዓመት'ቲኣ ድማ መዓርገ ክህነት ተቐብኡ። ካብ 1950 ክሳብ 1955 ብዝተፈላለየ ናይ ገዳም ኣገልግሎትን ሓላፍነት ከገልግሉ ድሕሪ ምጽናሕ፡ ኣብ 1955 ብማኅበር ገዳም፡ ንኣበምኔት ተመሪጾም፡ “መምህር የማነ ብርሃን” ተባሂሎም ኣበምኔት ገዳም ደብረ ጽጌ ኣቡነ እንድርያስ ሰፍኣ ኮኑ።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ