መንፈሳዊ ሰላምታ ብምቕዳም፥ ኣብ ዕዮኹም ኣሳልጦ፥ ኣብ ሕይወትኩም ሰላምን ጥዕናን ኣምላኽ ክህበኩም ንልምን።
እስመ ኣልቦሙ ለኣግብርቲ ሞት ኣላ ፍልሰት! (ኦ ጎይታ ንኣገልገልትኻ ምግዓዝ እምበር ሞት የብሎምን) ዝብል ናይ ዘለዓለማዊ ተስፋ ቃል፥ ኣብ ጸሎተ-ፍትሓት (እግዚኣ‐ሕይዋን) በቶም መንፈሳውያን ኣቦታትና ተጻሒፉ እንረኽቦ፥ ጸሎት ቅድስት ተዋሕዶ ቤተ ክርስቲያን እዩ።
በዚ ምኽንያት ኣብ መላእ ዓለም ዝርከባ ኣሕጉረ ስብከታትና፥ መበል 4ይ ዓመት ዝኽሪ ዕረፍቲ ቅዱስ እንጦንዮስ ኣቦና፥ ብጸሎተ ቅዳሴን መዝሙርን ብዓቢይ ክብርን ዝኽርን ንኽበዓል፥ ንሰንበት ዕለት ፩ የካቲት ፳፻፲፰ ግእዝ ( 8, 2026 ዓ/ፈ) ኣብ ኩለን ኣብያተ ክርስቲያን ንቅድስና ሰማዕት እንበለ-ደም ኣቡነ እንጦንዮስ ዝቕበላን፥ ብቡራኬ ብፁዕ ኣቡነ መቃርዮስን ብፁዕ ኣቡነ ሲኖዳን ዝመሓደራን ሓባራዊ ጸሎተ-ፍትሓት ክግበር ንኹሎም ውሉደ ክህነትን ኦርቶዶክሳውያን ኣመንትን ደቂቀ እንጦንዮስ ንሕብር።
ኣብ ቅድሚ እግዚኣብሔር ሞት ቅዱሳኑ ክቡር እዩ። መዝ 116፡15
ናይ ቅዱስ ኣቡነ እንጦንዮስ ሰማዕት፥ ጽንዓት እምነቶም የሕድረልና።
ላዕለዋይ ምምሕዳር መንበረ ጵጵስና ቤተ ክርስቲያን ኤርትራ
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ