ሰንበት 5 ጥቅምቲ 2014፡ ንዝኽሪ ቦኽሪ ዓመት ኤርትራውያን ግዳያት ላምፐዱሳ፡ ኣብ ኩለን ኣህጉረ ስብከታትና ጸሎት ፍትሓት ክካየድ እዩ።
እዚ ጸሎት ፍትሓት'ዚ: ስለቶም ኣብ ዝሓለፈ ዓመት ኣብዚ እዋን'ዚ ህልቂት ዘጋጠሞም ልዕሊ 325 ዜጋታትና ኮይኑ፡ ስለቶም ድሕሪኡን ቅድሚኡን ኣብ ዝተፈላለየ እዋንን ቦታን ህይወቶም ዝሰኣኑ ኤርትራውያን ብሓባር ጸሎት ፍትሓት ክግበረሎም እዩ።
ጻዕዳ ቀላይን ገማግም ሊብያን መቓብር ኤርትራውያን ኮይኑ ኣሎ። ስለዚ፡ ኤርትራውያን ብዘይ ኣፈላላይ፣ ኣብቲ ናይ ጸሎት መደብ ክትሓብሩና እናተማሕጸንና፡ ክትሓብሩና ዘይክኣልኩም ድማ፡ ስለ ኣሕዋትኩም፡ ድቅኹም፡ ወለድኹም... ናይ ጸሎትን ምስትንታንን ግዜ ክትሰርዑ ንምሕጸነኩም። እግዚኣብሔር ንስቓይናን መከራናን መወዳእታ ክገብረሉ ኣብ ቅድሚ ኣምላኽ ሓቢርና ብጸሎት ንቕረብ።
ኣምላኽ፡ ንኹሎም ግዳያት ዜጋታትና፡ ሰማያዊ ዕረፍቲ ክህቦም፣ ንስድራ ቤቶም ድማ ምጽንናዕ ክልእከሎም ፍቓዱ ይኹነልና። ኣሜን።
ኦርቶዶክሳዊት ቤተ ክርስቲያን ተዋህዶ
መንበረ ጵጵስና ኣህጉረ ስብከታት፡ ሰሜን ኣሜርካ፡ ኤውሮጳን ማእከላይ ምብራቕን።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ