"ቃል መስቀል ነቶም ዚጠፍኡ ዕሽነት እዩ፡ ንኣና ንንድሕን ግና ሓይሊ ኣምላኽ እዩ” (1 ቆሮ 1.18)።
ሰንበት 17 መስከረም ግእዝ (27 መስከረም 2009 ፈረንጂ) ብዝሒ ምእመናን ኣብ ዝተረኽብሉ ኣብ ቀጽሪ ደብረግእዛን ቤተ ክርስቲያን መድኃኔ ዓለም ከተማ ኣትላንታ በዓል መስቀል ብድምቀት ተኸቢሩ። ኣብቲ ዝተኻየደ ስነ-ስርዓት፡ መእመናንን መዘምራን ብሊቀ ካህናት ቀሺ ገብረሚካኤልን ቀሺ ዶ/ር ኣስመሮምን እናተሰነዩ፣ ድያቆናትን መዘምራን ድማ ብኸበሮን ጸናጽልን መዛሙር እናዘመሩ “መሰቀል ጽንእነ መሰቀል ቤዛነ መስቀል መድሃኒተ ነፍስነ…“ እናበሉ ነቲ በዓል ኣኽቢሮሞ። ኣብቲ ዳሜራ ተዳልይሉ ዝነበረ ቦታ ምስ በጽሑ ድማ ጸሎትን ቡራኬን ተኻየደ ነታ ተዳሊያ ዝነብረት ሽግ ድማ ሊቀ ካህናት ወሊዖማ።
ዓቢኡን ንእሽተኡን ብሓባር ብምዕሩግ ኣገባብን ብመዛሙርን “መስቀል ሓይልና፡ ሰስኑ ሰስኑ ሽሕን ዋልታን ኹኑ፡ ሆየ! ሆየ!..” ብዝብል ዝተፈላለየ ባህላዊ መግለጺታትን ዘደስት ዑድት ተካየዱ። እቲ ዝነበረ ሃዋህውን ኣገባብን ምስቲ ማእከላይ ክሊማ ተደሚሩ ብሓቂ ዘደስት እዩ ነይሩ። ኣብ ዓዲ እምበር ኣብ ምድሪ ስደት ዘለኻ'ውን ኣይመስልን እዩ። ንዓመታ ከምዚ እዋን የጽንሓና ኢልና ድማ በዓልና ዛዚምናዮ።
ክብርን ምስጋናን ሎምን ኵሉ ሳዕን ንዘልዓለም ንእግዚኣብሔር ኣምላኽ ይኹን።
ነቲ ቤተ ክርስትያን እትሓልፎ ዘላ ኩነታት ኣምላኽ ናብ ራህዋን ፍትሕን ለዊጡ፣ ንሃገርና ሰላም ክህባ ንትምነ። ጸጋን ጥዕናን ንብፁእ ውቅዱስ ሣልሳይ ፓትርያርክ ኣቡነ እንጦንዮስ ይሃበልና።
ካብ ውሽጢ ኤርትራ ዝተረኽበ ንቤተ ክርስቲያን ተዋህዶ ንምቁጽጻር ብመንግስቲ ኤርትራ ክካየድ ዝጸንሐን ዘሎን ሽርሒ ዘቃልዕ ቪድዮ
ድኳን መጻሕፍቲ/Book Store
ራድዮ ቃለ ኣዋዲ
ጋዜጣ