1. ልደት ድሕነት ዝተኣወጀሉ ዕለት'ዩ:- "እንሆ ሎሚ መድሓኒ ተወሊድልኩም ኣሎ... "(ሉቃ 2:10-11)
2. ልደት መዓልቲ ሓጎስ'ዩ:- "ንኹሉ ሕዝቢ ዚኸውን ዓቢዪ ሓጎስ አበስረኩም ኣለኹ... "(ሉቃ 2:10-11 )
3. ልደት መዓልቲ ምስጋና'ዩ:- “ክብሪ ንኣምላኽ ኣብ ሰማያት...እናበሉ ንኣምላኽ ኣመስገኑ” (ሉቃ. 2፡14)
4. ልደት መዓልቲ ሓድነትን ሕብረትን'ዩ:- መላእኽትን ደቂ-ሰባትን ሓቢሮም ዝዘመርሉ ዕለት እዩ።... (ሉቃ 2:12-13)
5. ልደት መዓልቲ ሰላም'ዩ:- "ሰላም ድማ ኣብ ምድሪ ኣብ መንጎ እቶም ስምረት ኣምላኽ ዘለዎም ሰባት” (ሉቃ. 2፡14)
6. ልደት ትንቢት ግህዶ ዝኾነሉ ዕለት እዩ (ኢሳ 7:14፤ ገላ 4:4-5) “ምልኣት ዘመን ምስ መጸ ግና ነቶም ትሕቲ ሕጊ ዘለዉ ተሻይጡ ምእንቲ ኬውጽኦም: ንሕናውን  ውሉድነት ምእንቲ  ክንረክብሲ ኣምላኽ ነዚ ካብ ሰበይቲ እተወልደ ትሕቲ ሕጊውን ዝኾነ ወዱ ለኣኾ” (ገላ 4:4-5; ሉቃ 2:12-13)
7. ልደት ፍሉይ ዕለት'ዩ:- ንእምነት ክርስትና ካብ ዝኾነ ካልእ ሃይማኖት ዝፈልዮ ሓደ ልደት ክርስቶስ እዩ:: ኣብ ዝኾነ እምነት ብድንግልና ብዘይ ጾታዊ ርክብ ዝተወልደ ዝኾነ መራሒ ሃይማኖት ይኹን ሰብ የለን:: ክርስቶስ ግና ብድንግልና ብዘይ ኣቦ ተወሊዱ:: (እቲ ካልኣይ ንእምነት ክርስትና ካብ ዝኾነ ካልእ ሃይማኖት ዝፈልዮ ትንሳኤ እዩ:: ንሞት ስዒሩ ዝተንሰአ ብዘይካ ክርስቶስ ዝኾነ ኣካል ካልእ የለን)

ጎይታና ኢየሱስ ክርስቶስ ዝተወልደ

1. ውሉድ ኣምላኽ ንኽንከውን (ገላ 4:4-5)
2. ተማቐልቲ ክብሩ ምእንቲ ክንከውን (እብ 6.4)
3. ዝነበረና ክብሪ ምእንቲ ክመልስን ክንባረኽን (ቆለ 3.9; ግ.ሃዋ 1.8) 
4. ኣምላኽ ምሳናን ቀረባን ምዃኑ ከነስተውዕል (1ይ ዮሃ 1.1)
5. ሰላም ኣብ ምድሪ ምእንቲ ክሰፍን (ሉቃ 2:13-14) እዩ::