- ለባም ወዲ ነቦኡ የሐጉስ፥ ዓሻ ወዲ ግና መጕሃዪ ኣዲኡ እዩ። ምሳ፡ 10፡1
- ለባም ሰብ ብምስትውዓል ይዛረብ፥ ዓሻ ግና መቕጻዕቲ ይግብኦ። ምሳ 10፡13
- ለባማት ፍልጠት ይእክቡ፥ ዓሻ ክዛረብ ከሎ ግና ጥፍኣት የስዕብ። ምሳ 10፡14
- ክፉእ ገይረ ኢልካ ምሕጓስ ዕሽነት እዩ፥ ለባማት ግና ብጥበብ ይሕጎሱ። ምሳ 10፡23
- ንብጻይካ ብንዕቀት ምልዓል ዕሽነት እዩ፡ ለባም ሰብ ግና ስቕ እዩ ዝብል። ምሳ 11፡12
- ለባም ሰበይቲ ንሰብኣያ ዘውዱ እያ፥ ዓሻ ሰበይቲ ግና ኣብ ኣዕጽምቱ ከም ቍንቍነ እያ። ምሳ 12፡4
- ኵራ ዓሻ ብኡብኡ ይፍለጥ፡ ለባም ሰብ ግና ተጸሪፉ ከሎ ከም ዘይተጸርፈ ይኸውን። ምሳ 12፡16
- ብዕሽነት ዚዝረብ ዘረባ ከም ዚቖርጽ ሰይፊ እዩ፥ ብልቦና ዚዝረብ ዘረባ ግና ፈውሲ እዩ። ምሳ 12፡18
- ለባም ሰብ ፈላጥ እኳ እንተኾነ ስቕ ይብል፥ ዓያሹ ግና ዕሽነቶም ይገልጹ። ምሳ 12፡23
- ምስ ለባም ዚመላለስ ለባም ይኸውን፥ ምስ ዓያሹ ዝተዓራረኽ ግና ይጠፍእ። ምሳ 13፡20
- ለባም ሰበይቲ ቤታ ትሓንጽ፥ ዓሻ ግና ብገዛእ ኢዳ ተፍርሶ። ምሳ 14፡1
- ትዕቢት ንዓሻ ብዙሕ የዛርቦ፥ ለባማት ግና ብዘረባኦም ይሕለዉ። ምሳ 14፡3
- ንለባም ለባም ዝገብሮ እቲ ዝገብሮ ስለ ዝፈልጥ እዩ፥ ንዓሻ ዓሻ ዝገብሮ ዝፈልጥ ስለ ዝመስሎ እዩ። ምሳ 14፡8
- ዓሻ ሰብ ንኹሉ ይኣምን ፥ ለባም ግና ንስጉምቱ ይጥንቀቐለን። ምሳ 14፡15
- ለባም ሰብ ይጥንቀቕ፡ ካብ እከይ ድማ ይርሕቕ፥ ዓሻ ግና ደፋርን ህዉኽን እዩ። ምሳ 14፡16
- ኮራዪ ሰብ ዕሽነት ይገብር፥ ለባም ግና ህዱእ እዩ። ምሳ 14፡17
- ለባማት ዘውዲ ሃብቲ ይደፍኡ፥ ዓያሹ ግና ኩሉ ጊዜ ዓያሱ እዮም። ምሳ 14፡24
- እቲ ንዅራ ደንጓዪ ለባም ምዃኑ የርኢ፥ ኮራዪ ግና ዓሻ ምዃኑ ይገልጽ። ምሳ 14፡29
- ካብቲ ሚእቲ ጊዜ ዚግረፍ ዓሻስ፥ እቲ ሓንቲ ጊዜ ዚግሰጽ ለባም ቀልጢፉ ይርድኦ። ምሳ 17፡10
- ዓሻ ንኹሉ ዅራኡ ይድርጉሖ፥ ለባም ሰብ ግና ይዓግቶ፡ ከምኡውን የህድኦ። ምሳ 29፡11
ብእዝራ ጸሓፊ