ሓደ ክርስቲያን ጸሓፋይ ንገዛእ ርእሱ መን ምኳኑ ክመዝና ምስ ፈተነ፡ ካብ ቃል ኣምላኽ ጥቅስታታ እናመረጸ ንገዛእ ርእሱ ከምዚ ገይሩ ይገልጻ። ኣነን ንስኻትኩምንከ ነዚ ጸሓፋይ እዚ፡ እወ ረኸብካያ ልበይ፡ ኣነ’ውን ንነፍሰይ ብኸምኡ እያ ዝፈልጣ ንብልዶ ንኸውን።

1. ኣነ ውሉድ ኣምላኽ እየ (1ዮሃ፡ 3፡1 ዮሃ፡1፡12)።
2. ኣነ ጨንፈር ናይቲ ሓቀኛ ጉንዲ ወይኒ እየ። ሕይወት ክርስቶስ ኣባይ ይዛሪ (ዮሃ፡ 15፡5)።
3. ኣነ ጨው ምድሪ እየ (ማቴ፡ 5፡13)።
4. ኣነ ብርሃን ዓለም እየ (ማቴ፡5፡14)።
5. ኣነ ፍረ መታን ክፈሪ ብክርስቶስ ዝተሓረኹ እየ (ዮሃ፡15፡16)።
6. ኣነ ንብዘላ ምድሪ ምስክር ክርስቶስ እየ (ግብ፡ 1፡8)።
7. ኣነ ባርያ ጽድቒ እየ (ሮሜ 6፡18)።
8. ኣነ ባርያ እግዚኣብሔር እየ፡ ንሱ ንነፍስይ ይቅድሳ ሕይወት ድማ ይህበኒ (ሮሜ 6፡22)።
9. ኣነ ውሉድ እግዚኣብሔር እየ፡ እግዚኣብሄር ድማ ኣቦይ እዩ (ሮሜ 8፡14-15 ገላ፡3፡26)።
10. ኣነ ንክርስቶስ መዋርስቱ እየ፡ ተማቓሊ እቲ ብሉጽ ክብሩ ድማ እየ (ሮሜ 8፡17)።
11. ኣነ ዓርኪ ክርስቶስ እየ (ዮሃ፡ 15፡5)።
12. ኣነ ቤት መቕደስ እቲ ህያው ኣምላኽ እየ፡ መንፈስ ቅዱስ ድማ ኣባይ ይሓድር (1ቆረ፡ 3፡16 6፡19)።
13. ኣነ ምስ ጐይታ ዝለገብኩ እየ፡ ምስኡ ድማ ሓደ መንፈስ እየ (1ቆረ፡ 6፡17)።
14. ኣነ ክፋል ኣካል ክርስቶስ እየ (1ቆረ፡ 12፡27)።
15. ኣነ ሓድሽ ፍጥረት እየ፡ ሕሉፍ ታሪኸይ ተለዊጡ እዩ።  (2ቆረ፡ 5፡17)።
16. ኣነ ምስ ኣምላኽ ሰላም ኣሎኒ፡ ንሱ ድማ ንካልኦት ምኽንያት ሰላም ክኸውን ሽይሙኒ’ዩ (2ቆረ 5፡18-19)።
17. ኣነ ንክርስቶስ ዝተፈለኹ እየ (ኤፈ፡ 1፡1 ፊሊ፡ 1፡1 ቆሎሴ 1፡2)።
18. ኣነ ንክርስቶስ ክመስል ዝተጸዋዕኩ ፍጥረት እቲ ልዑል እየ (ኤፈ፡2፡10)።
19. ኣነ ኣባል ስድራ ቤት ኣምላኽ እየ (ኤፈ፡ 2፡19)።
20. ኣነ ምቕማጠይ ኣብ ሰማይ እዩ፡ ሕጂ ድማ ኣብ ሰማያት ኣሎኹ (ፍሊ፡3፡20 ኤፌ፡2፡6 )።
21. ኣነ ንኻልኦት ክረብሕ እሱር ብጐይታ እየ (ኤፈ፡ 3፡1 4፡1)።
22. ኣነ ምስ ክርስቶስ ኣብ ኣምላኽ ተሰዊረ ኣለኹ (ቆሎ 3፡3)።
23. ኣነ ነጸብራቕ ሕይወት ክርስቶስ እየ፡ ምኽንያቱ ክርስቶስ ሕይወተይ እዩ (ቆሎሴ 3፡4)።
24. ኣነ ወዲ ብርሃንን ወዲ መዓልቲን እምበር፡ ወዲ ጸልማትን ወዲ ለይትን ኣይኰንኩን (1ተሰ፡5፡5)።
25. ኣነ ሓደ ካብቶም ህያዋን ኣእማን እየ፡ ብክርስቶስ ድማ ንቅዱስ ክህነት ዝኸውን መንፈሳዊ ቤተ ይሃንጽ ኣለኹ (1ጰጥ፡ 2፡5)።
26. ኣነ ኣባል ናይታ ሕሩይ ወለዶ፡ ናይ መንግሥቲ ካህን ቅዱስ ሰብ፡ ጥሪት ኣምላኽ እየ (1ጰጥ፡1፡9-10)።
27. ኣነ ኣብዛ ዓለም ጋሻን መጻእተኛን እየ (1ጰጥ፡ 2፡11)።
28. ኣነ ጸላኢ ሰይጣን እየ (1ጰጥ፡ 5፡8)።
29. ኣነ ክርስቶስ ምስ ተመልሰ ንእኡ ዝመስል እየ (1ዮሃ፡ 3፡1-2)።
30. ኣነ ዳግም ዝተወለድኩ እየ፡ እቲ እኩይ’ውን ኣይትንክየንን፡ ሓጢኣት ድማ ኣይገብርን እየ፡ ምኽንያቱ ዘርኢ ኣምላኽ ኣባይ ስለ ዝነብር (1ዮሃ፡ 3፡9,5,18)።