ብምኽንያት መበል 10 ዓመት ዝኽሪ ናይቶም ኣብ 2013 ዓመት ኣብ ገማግም ደሴት ላምፐዱሳ ህልቂት ዘጋጠሞም ዜጋታትና፡ ንሰንበት 8 ጥቅምቲ 2023፡ ኣብ ኩለን ቤተ ክርስቲያንናትና ብሓባር ጸሎት ፍትሓት ዝካየደሉ ዕለት እዩ። በዚ መሰረት፡ ስለቶም፡

1. ኣብ 2013 ዓመት ኣብዚ እዋን'ዚ ኣብ ገማግም ደሴት ላምፐዱሳ ህልቂት ዘጋጠሞም ኤርትራውያን ዜጋታትና።
2. ኣብ ሊብያ ብሴፍ ኣይሲስ ዝዓረፉ “30  ክርስቲያን ሰማእታት ሓበሻ”
3. ኣብ ዝተፈላለየ እዋን ኣብ ምድረበዳ ሲና ብገበነኛታት ዝዓረፉ ኤርትራውያን።
4. ኣብ ዝተፈላለየ ቦታን እዋንን ህይወቶም ዝሰኣኑ እሞ ቀባሪ ዘይረኸቡ ኤርትራውያን ጸሎተ ፍትሓት ክካየድ እዩ።

ምእመናን፡ ኣብ ከባቢኹም ኣብ ዝርከብ ቤተ ክርስቲያን ብምኻድ፡ ኣብቲ ዝግበር ጸሎተ ፍትሓት ክትሳተፉ መንበረ ጵጵስና ሰሜን ኣሜርካ ብመንፈሳዊ ኣኽብሮት የዘኻኽር።

ንኹሎም ግዳያት ዜጋታትና፡ ሰማያዊ ዕረፍቲ ክህቦም፣ ንስድራ ቤቶም ድማ ምጽንናዕ ክልእከሎም ፍቓድ ኣምላኽ ይኹነልና። ኣሜን።

ኦርቶዶክሳዊት ተዋህዶ ቤተ ክርስቲያን ኤርትራ

መንበረ ጵጵስና ሰሜን ኣሜርካ።

3 ጥቅምቲ (October) 2023