እቲ ኣቐዲሙ ብዕለት 13 ጥሪ 2006 ብሥልጣን ኣብን ወልድን መንፈስ ቅዱስን ፩ ኣምላኽ ብ3ይ ፓትርያርክ ኤርትራ ቅዱስ ኣቡነ እንጦንዮስ፡ ካብ ሃይማኖት

እከይ ግብሪ ናይ ዮፍታሄ ቀሺ ድሜጥሮስ፡ ዓለም ምሉእ ፈሊጥዎ ከም ዘሎ፡ ኣብቲ ዝወደቐ ሥርዓት ኢትዮጵያ ቀንዲ ኣምባሳደር ኮይኑ ‘’ኣምላኽ የሎን’’ ዝብል ዝነበረ ከሓዲ ሰብ እዩ። ሎሚ ከኣ ጊዜን በትረ ሥልጣንን ረኺቡ ኣብ መንበር ሃይማኖትና ተቐሚጡ ‘’ዋና ኣማሓዳሪ ኦርቶዶክስ ተዋህዶ ቤተ ክርስቲያን ኤርትራ ኣነ እየ’’ ኢሉ ብድፍረት ካብ ፓትርያርክ ኣቡነ እንጦንዮስ ጀሚሩ ንብዙሓት ሊቃውንትን መነኮሳትን እናሃደነ፥ ኣብ ጸልማት ማእሰርቲ ዘዳጕኖም ዘሎ በዓል እዋን ምዃኑውን ድሮ ተፈሊጡ ኣሎ። ብተወሳኺውን ንገለ ጎደሎ እምነትን ናይ ዕንወት ተሓባበርትን ሰባት ኣኸቲሉ፡ ሞባእን ንዋየ-ቅዱሳትን እናዘመተ ፈጻምን ኣፈጻምን ኩሉ ጉዳያት ኦርቶዶክስ እናበለ ብኽሕደት ዝነብር ዘሎ ውጉዝ ዓመጸኛ ስለዝኾነ ማዕቀብ ምድራዊ መገሻ ይግበረሉ ኣሎ። እቲ ዝኸበደ ግና ብስም ቅድስት ሥላሴ ኣብ ልዕሊኡ ዘሎ ቃል ውግዘትን ናይ ሰማያዊ ጉዕዞ ማዕቀብ ምዃኑ ክርድኦ ይግባእ።

ኣብ መደምደምታ ውጉዝ ዮፍታሄን ሃብቶም ርእሶምን ብስም እግዚኣብሔር ተወጊዞም ከለዉ፡ ኣብ ክንዲ ጣዕሳን ንስሓን ብንዕቀት ኣብ ውሽጢ ቤተ ክርስቲያን ተዋህዶ ድላዮም ይገብሩ ከምዘለዉ ካብ ማንም ሰብ ዝተሰወረ ኣይኮነን። ስለዚ ከምቲ ‘’ከትሪ ንኸታሪ የጥፍኦ፥ እቲ ብዓመጽ ዝነብር ሰብ ከኣ ብኸምኡ ይጠፍእ’’ (ምሳ 1፡19) ዝብል ጽሑፍ ዘሎ፡ እዚኣቶም ከኣ ኣብ ቅድሚ እግዚኣብሔርን ኣብ ቅድሚ ኩሉ ሰብን ሓሲሮም ካብ ዓለማዊ መነባብርኦም ብነፍስን ብሥጋን ክውገዙን ክዅነኑን ዝግብኦም ትዕቢተኛታት ሰባት ብምዃኖም ንደለይቲ ሓቅን ቅኑዓት ኣመንትን ዘሐጉስ እዋናዊ ዜና ኮይኑ ኣሎ።

"ኣምላኽ ይተንሥእ፥ ጸላእቱ ፋሕ ይበሉ" መዝ 68፡1።